ពានរង្វាន់ខាងលើកាលលេងជម្រុះយកលេខ១នៅកម្ពុជា គឺមានក្រុមចូលរួមរហូតដល់១៩ក្រុម ប្រកួតគ្នាដើម្បីស្វែងរកក្រុមខ្លាំងឡើងទៅលេងវគ្គផ្ដាច់ព្រ័ត្រនៅប្រទេសថៃ ដែលមានប្រាក់រង្វាន់៥ពាន់ដុល្លារ។ សម្រាប់ក្រុមតំណាងឱ្យកម្ពុជាទៅលេងនោះ គឺជាក្រុម Rolling FC ក្រោមការដឹកនាំរបស់លោក សៀក សុវណ្ណ។
ដោយការទៅលេងនៅថៃនោះទៀតសោត នឹងត្រូវប៉ះក្រុមខ្លាំងៗជាច្រើន ព្រោះពានមួយនេះមានការចូលរួមពីក្រុមផ្សេងៗ (មានអង់គ្លេស សិង្ហបុរី ថៃ) ដោយបច្ចុប្បន្នពួកគេកំពុងលេងជម្រុះរកជើងខ្លាំងនៅប្រទេសអង់គ្លេស។ អ្វីដែលពិបាកសម្រាប់កម្ពុជា ក្នុងការទៅប្រកួតនោះ គឺក្រុម Rolling FC ភាគច្រើន សមាជិកមិនមានលទ្ធភាពគ្រប់គ្រាន់នោះទេ ពោលគឺសូម្បីតែលិខិតឆ្លងដែន ក៏កីឡាករមួយចំនួនមិនមានផង។
ដូច្នេះហើយ បានជាលោក សៀក សុវណ្ណ អ្នកគ្រប់គ្រងក្លឹបកំពុងតែស្វែងរកដៃគូសហការគ្នាដើម្បីនាំកីឡាករបានទៅចូលរួមប្រកួត ត្បិតអីពួកគេក៏នឹងប្រើឈ្មោះតំណាងជាតិ Rolling Cambodia នាពានរង្វាន់នេះផងដែរ។ ហេតុផលនេះហើយ ប្រសិនបើបងប្អូនឬបណ្ដាស្ថាប័នណាចង់ជួយជ្រោមជ្រែងវិស័យបាល់ទាត់Futsal កម្ពុជា អាចទំនាក់ទំនងទៅលោក សុវណ្ណ បានតាមលេខ 077 26 27 11៕
Post a Comment