លោក Eselemo Fred ដែលជាអ្នកដឹកនាំក្រុមខាងលើបានបញ្ជាក់ថាក្រុមរបស់លោករៀបចំបានល្អហើយ សម្រាប់ការប្រកួតជាមួយជម្រើសជាតិកម្ពុជា។ អ្វីដែលកាន់តែពិសេសទៀតនោះ លោកបានកោះហៅកីឡាករល្អៗជាច្រើន ដូចជា Kipson Gbenga Shane និង Paul ជាដើម សម្រាប់ការប្រកួតមិត្តភាពដ៏សំខាន់នេះ។ មួយវិញទៀត ក្រុម African All Stars ក៏បាននាំយកកីឡាករថ្មីចូលផងដែរ គឺខ្សែប្រយុទ្ធ Peter Ani ។
ដោយឡែកសម្រាប់លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជាវិញ បានបញ្ជាក់ដែរថាក្រុមខាងលើពិតជាខ្លាំងមិនចាញ់ មីយ៉ាន់ម៉ា នោះទេ។ ដូច្នេះហើយបានជាលោក ណាត់ពួកគេប្រកួតកម្ដៅសាច់ដុំមុនការប្រកួតសំខាន់មកដល់។
ប្រយុទ្ធ Peter Ani
ក្រុម Afican All Stars ជាក្រុមជម្រើសកីឡាករមកពីតំបន់អាហ្វ្រិកហើយ ពួកគេជាក្រុមខ្លាំងមួយដែលសុទ្ធតែសឹងសមាជិកទាំងអស់លេងនៅក្លឹបធំៗក្នុងលីគកំពូលកម្ពុជា។ ប៉ុន្មានប្រកួតកន្លងមកជាមួយក្រុមជម្រើសជាតិ គឺគោព្រៃកម្ពុជាមិនងាយនឹងយកឈ្នះពួកគេបានស្រួលៗនោះទេ ត្បិតអីពេលខ្លះមានចាញ់ថែមទៀតផង៕
Post a Comment