បន្ទាប់ពី iPhone 8 ត្រៀមបង្ហាញខ្លួននៅដើមខែវិច្ឆិកាខាងមុខនេះ Samsung ហាក់ដូចជាមិនទាន់ប្រកាសពីដំណឹងរបស់ Galaxy S9 យ៉ាងណាទេ ប៉ុន្តែមានការព្យាករណ៍ជាច្រើនបានលើកឡើងពីលក្ខណៈសម្បត្តិរបស់ Galaxy S9 ផ្សេងៗគ្នា ។
មុននឹងឈានចូលដល់ការរៀបរាប់លក្ខណៈសម្បត្តិរបស់ Galaxy S9 សូមរំលឹកពី Galaxy S8 បន្តិច ថាតើ smart phone ទាំងពីរជំនាន់នេះបានអភិវឌ្ឍន៍អ្វីខ្លះហើយ ។ Galaxy S8 បំពាក់ដោយតួម៉ាស៊ីនប្រភេទ Snapdragon 835 ភាគច្រើនវាដំណើរការយ៉ាងរលូនលើការលេងហ្គេម មាន RAM ៦ ជីកាបៃ ទំហំអង្គចងចាំអាចផ្ទុកដល់ ១២៨ ជីកាបៃ និងមានកាមេរ៉ា ១២ មេហ្កាភិចសែល បំពាក់ដោយអេក្រង់កោងគ្មានគែមទំហំ ៥.៨ អ៊ីញ។
ចូលដល់ Galaxy S9 វិញម្តង បើតាមការព្យាករណ៍របស់សារព័ត៌មានរបស់កូរ៉េ etnews លើកឡើងថា ដោយសារមានការសំណូមពរច្រើនពីអតិថិជនទាក់ទងបញ្ហារយៈពេលប្រើប្រាស់ថ្ម ឆ្នាំក្រោយនេះ Samsung ផ្តោតសំខាន់ទៅលើថាមពលថ្ម ដែលកម្លាំងថ្មរបស់វាខ្លាំងជាង Galaxy S8 និងប្រើបានយូរ។
ងាកមកផ្នែកម៉ាស៊ីនវិញ Galaxy S9 បំពាក់ដោយតួម៉ាស៊ីនប្រភេទ Qualcomm Snapdragon 845 ដែលនៅតែដំណើរការល្អសម្រាប់ការលេងហ្គេមដដែល RAM ៦ ជីកាបៃដូចជំនាន់មុនៗដែរ បើធៀបជាមួយ iPhone 8 អាចនិយាយបានថា Galaxy S9 នៅតែមានម៉ាស៊ីនខ្លាំងជាង ។
Samsung នៅតែដេញជើង Apple ដដែល ជាមួយមុខងារស្កេនមុខ (3D face-scanning) បើធៀបជាមួយ Galaxy S8 វាប្រើមុខងារស្កេនកែវភ្នែកដើម្បីដោះសោ ហើយមុនងារស្កេនមុខនេះនឹងធ្វើឲ្យការប្រើប្រាស់កាន់តែងាយស្រួល និងការពារសុវត្ថិភាពបានខ្ពស់ ។
កាលពីឆ្នាំមុន Galaxy S8 បានដាក់លក់ជាផ្លូវការនៅថ្ងៃទី ២៩ ខែមិនា ដូចច្នោះគេរំពឹងថា Galaxy S9 អាចនឹងដាក់លក់នៅថ្ងៃប្រហាក់ប្រហែលគ្នានេះ ។
ងាកមកតម្លៃវិញ កាលពីជំនាន់ Galaxy S8 វាមានតម្លៃប្រមាណ ៨៥០ ដុល្លារនៅចក្រភពអង់គ្លេស និង ៧២៥ ដុល្លារនៅសហរដ្ឋអាមេរិក នៅកម្ពុជាពេលនេះវាមានតម្លៃប្រមាណ ៧៤០ ដុល្លារ ចំណែក Galaxy S9 ក៏មានតម្លៃមិនលើសគ្មាប៉ុន្មានដែរ ។
គួរបញ្ជាក់ថា ខាងលើគ្រាន់តែលក្ខណៈសម្បត្តិត្រួសៗមួយចំនួនតាមការព្យាករណ៍របស់សារព័ត៌មានផ្សេងៗ ចំណែកព័ត៌មានលម្អិតនឹងចេញជាបន្តបន្ទាប់ នៅពេល Samsung បញ្ចេញ Galaxy S9 ជាផ្លូវការ ។
Post a Comment