ម្ចាស់ផេក Miss Grand Cambodia បកស្រាយពីបញ្ហាដែលកញ្ញា ខ្លឹម ស្រីគា មិនអាចនិយាយភាសាអង់គ្លេសបានល្អ

រោយពី Miss Grand កម្ពុជា កញ្ញា ខ្លឹម ស្រីគា មិនបានទទួលជ័យលាភីនៅក្នងវគ្គផ្តាច់ព្រ័ត្រ ជាហេតុបណ្ដាលឲ្យមានមតិបងប្អូនខ្មែរជាច្រើននាំគ្នាបញ្ចេញគំនិតវែកញែកខុសៗគ្នាពាក់ព័ន្ធនឹងការដាក់ពិន្ទុ។

ជាក់ស្តែងដូចដែលគ្រប់គ្នាបានដឹងហើយថា កញ្ញា ខ្លឹម ស្រីគា មានបញ្ហាខាងផ្នែកភាសាអង់គ្លេស ដែលត្រូវបានមតិមួយចំនួនបានចាត់ទុករឿងនេះជាមូលហេតុក្នុងការបរាជ័យលើកនេះ។ ដោយឡែក ស្របជាមួយគ្នានេះ ម្ចាស់ផេក Miss Grand Cambodia ក៏បានធ្វើការបកស្រាយតបទៅវិញផងដែរ។

បើយោងតាមការបង្ហោះរបស់ផេកនេះ បានរៀបរាប់ថា៖

«សូមជម្រាបជូនប្រិយមិត្តអ្នកគាំទ្រកម្ពុជាជាទីរាប់អាន !
យើងខ្ញុំសូមបកស្រាយពីបញ្ហាការចេះ ឬមិនចេះភាសាអង់គ្លេសក្នុងកម្មវិធីប្រកួត MGI 2017 ។ តាមលក្ខខណ្ឌនៃកម្មវិធីប្រកួតពុំមានតម្រូវថា បេក្ខភាពមកពីបណ្តាប្រទេសនានាចាំបាច់ត្រូវចេះនោះទេ ហើយក្នុងទម្រង់បែបបទនៃ MGI នៅរៀងរាល់ឆ្នាំ សុទ្ធតែមានចំនុចឱ្យបេក្ខភាពទាំងអស់សំណូមពរ ឬមិនសំណូមពរអ្នកបកប្រែផងដែរ។ សម្រាប់បេក្ខភាពកម្ពុជាកញ្ញាខ្លឹម ស្រីគា Miss Grand Cambodia យើងខ្ញុំបានត្រៀមរៀបចំអ្នកបកប្រែរួចរាល់ហើយដែរ តួយ៉ាងដូចជាកញ្ញា Tulia Aleman Ferrer បេក្ខភាពមកពីប្រទេស Venezuela ក៏មានអ្នកបកប្រែភាសាដើម្បីបកប្រែជូនគណៈកម្មការផងដែរ។ ហេតុដូច្នេះហើយ ការចេះឬមិនចេះពុំមែនជាលក្ខខណ្ឌនៃកម្មវិធីប្រកួតនេះឡើយ។ តើប្រិយមិត្តទទួលស្គាល់ឬទេថា កញ្ញាខ្លឹម ស្រីគា ប្រើប្រាស់ភាសាអង់គ្លេសក្នុងកម្រិតមួយដែលអាចប្រាស្រ័យទាក់ទងបាន គឺក្នុងកម្រិតល្អជាងបេក្ខនារីមួយចំនួនផង។ កញ្ញាបានប្រើប្រាស់រយៈពេលតែ ៣ខែ ក្រោយទទួលតំណែងជា Miss Grand Cambodia 2017 ក្នុងការរៀនភាសាអង់គ្លេស ព្រមទាំងអាចប្រើប្រាស់បានក្នុងកម្រិតនេះ ពិតជាគួរឱ្យកោតសរសើរទៅវិញផងដែរ។ សូមថ្លែងអំណរគុណចំពោះការគាំទ្រ និងការជ្រាបជាព័ត៌មាននេះពីសំណាក់លោកអ្នក។»

គួរបញ្ជាក់ផងដែរថា បើទោះបីជាកញ្ញា ខ្លឹម ស្រីគា មិនអាចទទួលបានជ័យលាភីជា Miss Grand International ឆ្នាំ២០១៧ ក្ដី ក៏កញ្ញាបានទទួលពានរង្វាន់មួួយគឺពាន Grand Pageant’s Choice Award ដែលជាលទ្ធផលបានពីការស្រលាញ់ និងគាំទ្ររបស់បងប្អូនខ្មែរផងដែរ៕