មុនឈានដល់ការប្រកួតល្ងាចនេះដែរ ក្រុមអ្នកអង្កេតរបស់វិបសាយ Sabay មើលឃើញថាមីយ៉ាន់ម៉ា មានកីឡាករល្អ២នាក់ដែលនៅតំបន់បម្រើប្រយុទ្ធ ពោរពេញទៅដោយសមត្ថភាពនិងតែងតែបង្កើតឱកាសដល់តំបន់ប្រយុទ្ធបានយ៉ាងល្អ នាការប្រកួតកន្លងទៅនោះ។ កីឡាករទាំងពីរនាក់នោះ មានឈ្មោះថា Lwin Moe Aung ពាក់អាវលេខ៦ និងកីឡាករ Myat Kaung Khant ពាក់អាវលេខ៨។
ខ្សែបម្រើ២នាក់នេះហើយ តែងតែលេងស៊ីចង្វាក់គ្នាមែនទែន ហើយនៅពេលបាល់ដល់ជើងពួកគេ កម្រមានដៃគូអាចប្រជែងយកបានណាស់។ អ្វីដែលកាន់តែពិសេសទៀតនោះ មតិអារម្មណ៍ឬអាចនិយាយបានថាភាពឆ្លាតវៃរបស់ពួកគេ មានកម្រិតលើសកីឡាករដទៃ ត្បិតអីចេះបោះបាល់ទៅឱ្យដៃគូណា ដែលឈរនៅតំបន់អាចបង្កើតឱកាសទៅមុខបាន។ ត្បិតតែមាឌមិនសូវធំ ប៉ុន្តែបច្ចេកទេសយកបាល់ និងការពារបាល់នោះ ពួកគេមានគ្រប់ក្បាច់ ដែលសឹងតែមិនខូចបាល់សោះ ពេលលេងទល់ក្រុមហ្វីលីពីនដែលពួកគេយកឈ្នះក្នុងលទ្ធផល ៦-០ នោះ។
Post a Comment