លោក ទ្រី សក្ដដា ចំនាយប្រាក់អស់ជាង ៣០០០ដុល្លា សំរាប់បទ “មនុស្សកំសាក” ថតនៅខេត្តព្រះវិហារ និងប្រាសាទកោះកែ មួយបទនេះ ពិតជាមិនធ្វើឲ្យអ្នកគាំទ្រ ខកបំណងឡើយ (មានវីដេអូ)

ភ្នំពេញ៖ តារាចម្រៀង និងអ្នកនិពន្វបទភ្លេង ទ្រី សក្ដដា ដែលកំពុងមានប្រជាប្រិយភាពទៅលើចម្រៀង Original song បានវាយលុកទីផ្សារសិល្បៈ តាមរយៈបទចម្រៀងនិពន្ធថ្មី ដែលជាការបង្កើតឡើងដោយស្នាដៃលោកផ្ទាល់ លើសពីនេះ សក្កដា ក៏តែងតែផលិតបទថ្មីៗ ជាច្រើនសម្រាប់មិត្តសិល្បៈដ៏ទៃទៀតផងដែរ។ ក្រៅពីនេះទៅទៀត បទនីមួយៗត្រូវមហាជនសរសើរថាពិរោះ និងការថត MV នីមួយៗសុទ្ធតែល្អ ។

អ្វីដែលថ្មីសំរាប់លោកនោះ បទចម្រៀងមួយបទនេះ ដែលមានចំនងជើងថា មនុស្សកំសាក លោកបានចំនាយប្រាក់អស់ជាង ៣០០០ដុល្លា ក្នុងការថត ហើយបទចម្រៀងនេះ ពិតជាមិនធ្វើឲ្យអ្នកគាំទ្រខកបំណងឡើយ ព្រោះបទនេះត្រូវថតនៅទឹកដីកំណើតរបស់ខ្លួន នៅខេត្តព្រះវិហារ និងប្រាសាទកោះកែ។
ចំពោះបទនេះដែរ គឺលោកបានដឹកនាំដោយខ្លួនឯងផ្ទាល់ ។ នេះជាសារក្នុងអត្ថន័យរបស់លោក “មិនមែនខ្ញំចង់កំសាកទេ មកពីខ្លាចសារភាពស្នេហ៍តែគេមិនស្រលាញ់ ខ្មាសគេស្លាប់ហើយ! ពេលខ្លះ បានត្រឺមឃើញមុខមនុស្សដែលខ្លួនស្រលាញ់ពិចំងាយក៏អស់ចិត្ត! តែពេលខ្លះ ពាក្យចាស់លោកពោលថា បើចិត្តមិនដាច់ធ្វើស្តេចមិនបានទេ “។