ព័ត៌មានក្ដៅ! ក្រសួងមហាផ្ទៃ នឹងដាក់បណ្តឹងទៅតុលាការកំពូល សុំរំលាយបក្សសង្រ្គោះជាតិ

ព័ត៌មានក្ដៅ! ក្រសួងមហាផ្ទៃ នឹងដាក់បណ្តឹងទៅតុលាការកំពូល សុំរំលាយបក្សសង្រ្គោះជាតិ នយោបាយ By Khmer Readers

នាពេលថ្មីៗនេះ បើតាមសារព័ត៌មាន Fresh News បានធ្វើការចុះផ្សាយពី Breaking News ដែលប្រាប់ថា ក្រសួងមហាផ្ទៃ នឹងដាក់ពាក្យបណ្ដឹងទៅកាន់តុលាការកំពូល ដើម្បីស្នើរសុំរំលាយគណបក្សសង្គ្រោះជាតិ តាមបណ្ដឹងរបស់គណបក្សទាំងពីរ គឺគណបក្សហ្វុនស៊ិនប៉ិច និងគណបក្សយុវជនកម្ពុជា ពីទង្វើក្បត់ជាតិ សូមអានព័ត៌មានលំអិតខាងក្រោមនេះ ដូចតទៅ ៖

BREAKING NEWS: នៅព្រឹកថ្ងៃនេះក្រសួងមហាផ្ទៃ នឹងដាក់ពាក្យបណ្តឹងទៅកាន់តុលាការកំពូល ស្នើសុំរំលាយគណបក្សសង្រ្គោះជាតិ តាមពាក្យបណ្តឹងរបស់គណបក្សចំនួន២

(ភ្នំពេញ)៖ មន្រ្តីជាន់ខ្ពស់ក្រសួងមហាផ្ទៃបានថ្លែងប្រាប់បណ្តាញព័ត៌មាន Fresh News ឲ្យដឹងនៅមុននេះបន្តិចថា នៅវេលាម៉ោងប្រមាណ១១ព្រឹកថ្ងៃទី០៦ ខែតុលា ឆ្នាំ២០១៧នេះ ក្រុមមេធាវីនឹងយកពាក្យបណ្តឹងដាក់ចូលទៅកាន់តុលាការកំពូល ដើម្បីប្តឹងស្នើសុំរំលាយគណបក្សសង្រ្គោះជាតិ ដោយយោងតាមពាក្យបណ្តឹងរបស់គណបក្សហ្វ៊ុនស៊ិនប៉ិនរបស់សម្តេចក្រុមព្រះ និងគណបក្សយុវជនកម្ពុជា របស់លោក ពេជ្រ ស្រស់។

សូមជំរាបថា កាលពីថ្ងៃទី០៤ ខែតុលា ឆ្នាំ២០១៧នេះ ប្រធានគណបក្សយុវជនកម្ពុជាលោក ពេជ្រ ស្រស់ បានដាក់ពាក្យបណ្តឹងស្នើសុំរំលាយ គណបក្សសង្រ្គោះជាតិ ទៅកាន់ក្រសួងមហាផ្ទៃ។ នៅក្នុងពាក្យបណ្តឹងរបស់គណបក្សយុវជនកម្ពុជា បានរៀបរាប់ថា៖ សំណើសុំក្រសួងមហាផ្ទៃចាត់នីតិវិធីប្តឹងទៅតុលាការកំពូល ដើម្បីរំលាយគណបក្សសង្គ្រោះជាតិ ស្របតាមច្បាប់ស្តីពីគណបក្សនយោបាយជាធរមាន ព្រោះតែគណបក្សសង្រ្គោះជាតិបានប្រព្រឹត្តអំពើក្បត់ជាតិ។

នៅល្ងាចថ្ងៃទី០៥ ខែតុលា ឆ្នាំ២០១៧ គណបក្សហ្វ៊ុនស៊ិនប៉ិចរបស់សម្ដេចក្រុមព្រះ នរោត្តម រណឬទ្ធិ ក៏បានដាក់ពាក្យបណ្តឹងជាផ្លូវការស្នើសុំរំលាយ គណបក្សសង្រ្គោះជាតិ ទៅកាន់ក្រសួងមហាផ្ទៃផងដែរ។ នៅក្នុងពាក្យបណ្តឹងរបស់គណបក្សហ្វ៊ុនស៊ិនប៉ិច បានរៀបរាប់យ៉ាងដូច្នេះថា៖ សំណើរសុំចាត់វិធានការតាមផ្លូវច្បាប់ តាមនីតិវិធី ដើម្បីរំលាយគណបក្សសង្គ្រោះជាតិ ដោយយោងតាមមាត្រា៦ថ្មី មាត្រា៧ មាត្រា៣៨ថ្មី និងមាត្រា៤៤ថ្មី នៃច្បាប់ស្ដីពីវិសោធនកម្មច្បាប់ ស្ដីពីគណបក្សនយោបាយ៕

ខាងក្រោមនេះជាពាក្យបណ្តឹងទាំងពីររបស់គណបក្សហ្វ៊ុនស៊ិនប៉ិច និងគណបក្សយុវជនកម្ពុជា៖