Neymar បានក្លាយជាកីឡាករថ្លៃជាងគេលើលោក បន្ទាប់ពី PSGយល់ព្រមទិញផ្ដាច់កុងត្រាពី Barcelona ក្នុងតម្លៃ១៩៨លានផោន។ ផ្អែកតាមសារព័ត៌មានអាល្លឺម៉ង់ Der Spiegel បានទម្លាយចំនួនប្រាក់ឈ្នួលថា កីឡាករវ័យ២៥ឆ្នាំនេះទទួលបានជាង៦០០ ០០០ផោន (ជាង៨១ម៉ឺនដុល្លារ) ក្នុងមួយសប្ដាហ៍។
បូកដកគុណចែកតាមតួលេខ ក្នុងកិច្ចសន្យា៥ឆ្នាំសរុបជាទឹកប្រាក់ Neymar ទទួលបាន៣២,៧លានផោន(៤៤,៣១លានដុល្លារ) ក្នុងមួយឆ្នាំ។ បើគិតជាថ្ងៃ គេអាចទទួលប្រាក់ឈ្នួលរង្វង់៨៨ ០០០ផោន(ជាង១១ម៉ឺនដុល្លារ) ក្នុងមួយថ្ងៃ។
យោងតាមគេហទំព័រ Roadandtrack បង្ហាញថា Marcedes-Benz S550 ស៊េរីថ្មីមួយគ្រឿងពេលនេះតម្លៃត្រឹម៩៦ ៦០០ដុល្លារ(តម្លៃក្រៅស្រុក)ប៉ុណ្ណោះ ដូច្នេះតាមចំណូលប្រចាំថ្ងៃរបស់ Neymar អាចទិញរថយន្តនេះបាន១គ្រឿង ហើយសល់លុយទៀត។ តាមតួលេខ ពេលនេះប្រាក់ឈ្នួលរបស់ Neymar បានឡើងឈរលើកំពូលកីឡាករទាំងពីរ Lionel Messi និង Cristiano Ronaldo ហើយ ប៉ុន្តែនៅក្រោម Carlos Tevez ដែលកំពុងលេងនៅក្លឹបចិន Shanghai Shenhua ៦៥០ ០០០ផោនក្នុង១សប្ដាហ៍៕
ប្រភព៖ sabay
Post a Comment