BarCamp ស្អែកនេះ មានប្រធានបទជាង ៨០ និងមានវាគ្មិនមកពីគ្រប់ទិសទី!

បាខែមអាស៊ាន ជាព្រឹត្តិការណ៍ប្រចាំឆ្នាំដែលនឹងប្រារព្ធឡើងនៅថ្ងៃទី ២១ និង ២២ ខែតុលាស្អែកនេះ នៅក្នុងបរិវេណវិទ្យាស្ថានបច្ចេកវិទ្យាកម្ពុជា (សាលាតិចណូ)។ មានវាគ្មិនល្បីៗ អ្នកជំនាញរួមនឹងប្រធានបទគួរឲ្យចាប់អារម្មណ៍ជាង ៨០ ប្រភេទខុសៗគ្នា។

លោក ជី សុផាត អ្នករៀបចំព្រឹត្តិការណ៍បាខែមអាស៊ាន បានឲ្យដឹងថា ឆ្នាំនេះមានវាគ្មិនល្បីៗ អ្នកជំនាញ រួមនឹងប្រធានជាង ៨០ ប្រភេទខុសៗគ្នា។ អ្នកចូលរួមអាចទៅចូលរួមដោយមិនគិតថ្លៃ និងស្ដាប់អ្នកជំនាញតាមប្រធានបទដែលចង់ដឹង ដែលបានរៀបចំរួចជាស្រេច។

ក្រុមអ្នកស្ម័គ្រចិត្តកម្មវិធីបាខែមអាស៊ាន

របៀបស្វែងរកប្រធានបទ

ប្រធានបទនីមួយៗនឹងត្រូវធ្វើឡើងក្នុង ១០ បន្ទប់ផ្សេងគ្នា ប្រធានបទនីមួយៗមានរយៈពេល ១ម៉ោង។ អ្នកចូលរួមត្រូវពិនិត្យមើល និងស្វែងរកប្រធានបទដែលខ្លួនពេញចិត្តដើម្បីចូលរួមស្ដាប់តាមបន្ទប់ តាមម៉ោង និងប្រធានបទនីមួយៗ។

ដើម្បីស្វែងរកព័ត៌មានប្រធានបទ អ្នកចូលរួមអាចមើលនៅលើផ្ទាំង តារាងប្រធានបទ ដែលអ្នករៀបចំកម្មវិធីបានបិត ក្នុងបរិវេណកម្មវិធី ឬអាចចូលទៅវេបសាយ បារខែមអាស៊ាន ដើម្បីមើលប្រធានបទទាំងអស់ ឬ ចុចនៅទីនេះ barcamp.asia

#ទីកន្លែង និង កាលបរិច្ឆេទ៖

កាលបរិច្ឆេទ៖ ថ្ងៃសៅរ៍-អាទិត្យ ទី ២១-២២ ខែតុលា ឆ្នាំ២០១៧
ពេលវេលា៖ ម៉ោង ៨ ព្រឹក ដល់ម៉ោង ៥ ល្ងាច
ទីកន្លែងកម្មវិធី៖ វិទ្យាស្ថានបច្ចេកវិទ្យាកម្ពុជា(ITC)
អ៊ីម៉ែល៖ info@barcampcambodia.org
ចូលរួមដោយសេរីឥតគិតថ្លៃ
ទំនាក់ទំនងលេខទូរសព្ទ ៖ អ្នកដឹកនាំព្រឹត្តិការណ៍លោក បេ ចន្ត្រា៖ 012 316 781 / 093 316 781 ទំនាក់ទំនងទូទៅ ជី សុផាត៖ 077 590 555 / 010 307 575 | ឆាលី សំសុក្រឹត្យ៖ 017 991 994

កម្មវិធីនេះបានប្រមូលផ្ដុំទៅដោយបុគ្គលដែល មានបទពិសោធន៍ក្នុងវិស័យបច្ចេកវិទ្យា និងអាជីវកម្ម អ្នកច្នៃប្រឌិត សាស្ត្រាចារ្យ សិស្សនិស្សិត នៅក្នុងរាជធានីភ្នំពេញ និងតំបន់អាស៊ាន មកធ្វើការផ្លាស់ប្ដូរចំណេះដឹង ជំនាញ និងបទពិសោធន៍ ដែលទាក់ទងនឹងបច្ចេកវិទ្យាអាជីវកម្ម ការច្នៃប្រឌិតបង្កើតថ្មី សហគ្រិនភាព និងការវិវឌ្ឍនៃការងារ៕

ខាងក្រោមជាវាគ្មិន និងប្រធានបទដែលត្រូវធ្វើបទបង្ហាញនៅស្អែកនេះ(នៅមានថែមទៀត)៖