ក្នុងពានរង្វាន់ AFC U19 Championship នេះ ប្រកួតដំបូងកម្ពុជាប្រកួតចាញ់ក្រុមចិន នៅចុងម៉ោង ១-០ តែទោះជាយ៉ាងនេះក្ដី អ្នកគាំទ្រនៅតែពេញចិត្តចំពោះលទ្ធផល។ នេះដោយសារតែពួកគេភ្លាត់ចាញ់ចុងម៉ោង ជាមួយក្រុមខ្លាំងចិន ហើយចាញ់ត្រឹមប៉ុណ្ណឹងគឺមិនមែនជារឿងងាយស្រួលឡើយ។
យប់មិញ កម្ពុជាចាញ់មីយ៉ាន់ម៉ា ២-០ នៅតង់ទី១ ហើយបានវាយបកយកឈ្នះ ៣-២ វិញនៅតង់ទី២ គឺជារឿងដ៏អស្ចារ្យបំផុតសម្រាប់ប្រវត្តិសាស្ត្ររបស់កម្ពុជា។ មួយវិញទៀត ទម្រង់លេងបែបថ្មី បូកផ្សំជាមួយចិត្តសាស្ត្រខ្ពស់ ក៏រឹតតែធ្វើឱ្យអ្នកគាំទ្រពេញចិត្តស្ដូកផងដែរ ចំពោះការដឹកនាំរបស់គ្រូជប៉ុន Inoue Kazunori ។
ដូច្នេះហើយប្រសិនបើកម្ពុជាមានឱកាសបានឡើងទៅជុំចុងក្រោយនោះ គឺជារឿងកាន់តែពិសេសថែមទៀតហើយ ត្បិតអីពួកគេកំពុងតែមានឱកាសកាន់តែច្រើនហើយ។ ប្រកួតចុងក្រោយរបស់កម្ពុជាត្រូវប៉ះហ្វីលីពីន នៅថ្ងៃស្អែកវេលាម៉ោង ៦:៣០នាទីល្ងាច ហើយប្រសិនបើឈ្នះនោះពួកគេនឹងមានឱកាសកាន់តែច្រើនហើយ៕
Post a Comment