ការបោះតង់ មានដូចជានៅក្នុងព្រៃ តាមមាត់ឆ្នេរសមុទ្រ មាត់ព្រែក ឬនៅលើភ្នំជាដើម។ ដើម្បីឲ្យការបោះតង់ប្រកបដោយសុវត្ថិភាព និងមិនខ្វះខាតមុខក្រោយ ជាពិសេសសម្រាប់អ្នកដែលមិនធ្លាប់បោះតង់សោះនោះ គួរត្រៀមរបស់របរដូចខាងក្រោមនេះ៖
១. សម្លៀកបំពាក់៖
ខោជើងវែងអាវដៃវែង សម្រាប់ការពារមូស ឬសត្វល្អិតខាំនៅពេលយប់ ខោរអាវតាមចំណូលចិត្តសម្រាប់ស្លៀកពាក់នៅពេលថ្ងៃ (មើលតាមអាកាសធាតុ)។
២. កាបូបមួយតូចល្មមដែលមានរបស់របរសម្រាប់ងូតទឹកដូចជា៖
ថ្នាំ និងច្រាស់ដុសធ្មេញ សាប៊ូដុសខ្លួន សាប៊ូកក់សក់ សាប៊ូលាងមុខ។ (ចំណាំ៖ គួរតែយករបស់ទាំងអស់ក្នុងបរិមាណសមរម្យសម្រាប់ប្រើ ២ទៅ៣ថ្ងៃ)
៣. ឡេលាបការពារកម្តៅថ្ងៃ និងឡេលាបការពារមូសឬសត្វល្អិតខាំ។
៤. ប្រេងខ្យល់ប្រេងកូឡា និងប្រអប់ដាក់ថ្នាំពេទ្យមួយចំនួន ដូចជា ថ្នាំចុកពោះរាគ ថ្នាំឈឺក្បាល វិលមុខ ក្តៅខ្លួនជាដើម។
៥. ក្រដាសជូតមាត់ និងក្រដាសសើម។
៦. ភួយស្តើងៗល្មម ជាមួយកូនខ្នើយតូចមួយ។
៧. ពិល កូនកាំបិត ដែកកេះ ថង់សម្រាប់ដាក់ឥវ៉ាន់ និងខ្សែពួរតូចទុកសម្រាប់ប្រើនៅពេលចាំបាច់។
៨. អាហារសម្រន់ដូចជា៖ នំកញ្ចប់ ដំណាប់ផ្លែឈើ មីកំប៉ុង ទឹកសុទ្ធផ្សេងៗ។
ខាងលើនេះជាសម្ភារៈដែលយើងត្រូវយកតាមខ្លួន។ វាអាចនៅមានរបស់មួយចំនួនតូចទៀត តែអាស្រ័យទៅលើអ្នកប្រើនោះទេ ថាតើពួកគេត្រូវការអ្វីបន្ថែមទៀត៕
Post a Comment