ក្នុងឱកាសព្រះរាជពិធីបុណ្យអុំទូក ចាប់ពីថ្ងៃទី២-៤ ខែវិច្ឆិកា ឆ្នាំ២០១៧ ខាងមុខ យានយន្តធ្វើចរាចរណ៍ នឹងមានកំណើនខ្ពស់ខុសប្រក្រតី ដែលអាចបង្កជាគ្រោះថ្នាក់ចរាចរណ៍ ឬការកកស្ទះចរាចរណ៍ ដូចក្នុងពិធីបុណ្យនានា កន្លងទៅ។ ដើម្បីបង្ការ និងទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាសពិធីបុណ្យអុំទូក ខាងមុខនេះ គណៈកម្មាធិការជាតិសុវត្ថិភាពចរាចរណ៍ផ្លូវគោក បានប្រកាសអំពាវនាវដល់សាធារណជន ជាអ្នកប្រើប្រាស់ផ្លូវ នូវ ១០ ចំណុច រួមមាន៖
ក្នុងសេចក្តីអំពាវនាវ ចុះថ្ងៃទី២០ ខែតុលា ឆ្នាំ២០១៧ គណៈកម្មាធិការជាតិសុវត្ថិភាពចរាចរណ៍ផ្លូវគោក ដែលមានសម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជាប្រធាន បានកត់សម្គាល់ថា គ្រោះថ្នាក់ចរាចរណ៍ផ្លូវគោក នៅតែជាបញ្ហាប្រឈមចំពោះមុខ និងយូរអង្វែង ដែលអាចកើតឡើងភ្លាមៗ ក្នុងករណីអ្នកប្រើប្រាស់ផ្លូវ មានការធ្វេសប្រហែស ឬខ្ជីខ្ជាមិនគោរពច្បាប់។
គណៈកម្មាធិការជាតិសុវត្ថិភាពចរាចរណ៍ផ្លូវគោក ក៏បានកត់សម្គាល់ថា ក្នុងត្រីមាសទី៣ ឆ្នាំ២០១៧ មានអ្នកជិះទោចក្រយានយន្ត ចំនួន ៧៧ភាគរយ ដែលភាគច្រើនជាយុវវ័យ បានក្លាយជាជនរងគ្រោះ គ្រោះថ្នាក់ចរាចរណ៍ផ្លូវគោក ហើយក្នុងចំណោមជនរងគ្រោះទាំងនោះ មានចំនួន ៦៦ភាគរយ មិនបានពាក់មួកសុវត្ថិភាពឡើយ៕
Post a Comment